For deg som er født i 2019.
Eg heiter Barabbas. Eg levde for mange, mange år sidan og var ein farleg forbrytar – men eg er ikkje så farleg lenger. Nei, eg har møtt ein heilt spesiell mann: JESUS. Har du lyst å verta kjent med meg og høyra meir om denne mannen?
Laurdag 5. april er du velkommen til Varhaug kyrkje. Der skal du få høyra om meg, om Jesus og påsken. Eg har ei kjempespanande historie å fortelja deg! Du skal og få laga noko og få ei bok om meg med heim.
Kom då vel!
Litt praktisk informasjon til dei vaksne:
Barabbas samlinga handlar om å fortelja påskebodskapen ut frå Barabbas sine auge. Det er laga ei bok om Barabbas illustrert med duplofigurar som barna får med seg heim.
Når de melder barnet på Barabbassamling kan de velja mellom desse tidspunkta; kl. 10.00, kl. 11.30. Samlinga varer i ca. 1 time, og me ynskjer at ein vaksen fylgjer barnet. For at me skal ha nok formingsmateriell og bøker er det fint om de melder på barnet her innan 1.april. Dersom eit alternativ av tidene er vekke, er det fullt på det aktuelle tidspunktet.
Me ynskjer at alle barn skal kunne delta. Har ditt barn behov for tilrettelegging kan de ta direkte kontakt med oss, eller skriva det i påmeldingsskjemaet.
Kontaktperson for Barabbas samlinga er kyrkjelydspedagog Kathrine Håland Varhaug. Ho kan de nå på mobil 456 04 250 eller e-post.