Sundag 4. oktober umiddelbart etter gudstenesta.
Grensejustering mellom Ogna og Varhaug sokn.
Sakliste:
- Val av to personar til å signera protokollen frå møtet.
- Grensejustering mellom Ogna og Varhaug sokn.
Frå 1. januar 2025 har Varhaug sokn, etter avtale mellom Varhaug sokn, Ogna sokn og Stavanger bispedøme, hatt det formelle ansvaret for det kyrkjelege arbeidet i Stokkalandsmarka. Bakgrunnen er at mange av innbyggjarane i området, mellom anna konfirmantar og familiar, naturleg søkjer mot Varhaug når dei ønskjer å delta i kyrkja sitt arbeid.
Sidan denne ordninga vart innført, har det vore arbeidd for at dei som bur i Stokkalandsmarka også formelt skal høyra til Varhaug sokn. Saka har no kome så langt at Stavanger bispedømeråd har bede både kyrkjelydsmøta og sokneråda i Varhaug og Ogna om å uttala seg om ei mogleg grensejustering. Ei slik endring vil gjera at soknegrensa samsvarer med skulegrensa og den naturlege tilhøyrsla mange i området opplever i dag.
Dersom endringa vert vedteken, vil innbyggjarane i Stokkalandsmarka formelt bli ein del av Varhaug sokn. Det inneber mellom anna at dei kan røysta ved soknerådsvalet i 2027, vera valbare til soknerådet i Varhaug og ha røysterett på kyrkjelydsmøte i soknet.
Forslag til vedtak
Kyrkjelydsmøtet i Ogna sokn ynskjer ei grensejustering mellom Ogna og Varhaug sokn slik at soknegrensa samsvarer med skulegrensa, og at dei som bur i Stokkalandsmarka får fullt tilhøyr i Varhaug sokn.