Bli med i bønnetenesta i Varhaug sokn.
Me har starta opp med ei bønneteneste i Varhaug sokn. I Bibelen vert med oppfordra til å be og det er mange løfter knytt til bøn. Eit av dei mest kjente er frå Matt 7,7: "Be så skal de få. Leit, så skal de finna. Bank på, så skal det latast opp for dykk".
Å leggja liva våre, kvardagen vår, i Guds allmektige hender er ei stor gåve. Me veit at han lytter, og me stoler på at han grip inn. Difor vil me oppfordra deg til å væra med i bøn for arbeidet i soknet. Det er laga eit bønnebrev for hausten 2024. Dette vil verta lagt ut i kyrkja - men du finn det og digitalt her.
Dersom du ynskjer å få bønnebrevet tilsendt på e-post kan du gjera det ved å registrera deg her. Du vil og då stå på ei liste som me kan kontakta om det kjem inn særlege bønneemner, til dømes forbøn for sjuke i kyrkjelyden, særleg forbøn for enkeltarrangement, eller ved andre hendingar i bygda kor ein ynskjer forbøn for det som ligg føre.
Har du eller nokon du kjenner behov for forbøn? Då kan du kontakta diakoniarbeider Kjersti Olimb Salte på e-post eller mobil 478 70 004. Ein kan be om forbøn anonymt og Kjesti har taushetsplikt.
Me har og tilbod om ei enkel bønnesamling i kyrkja annakvar onsdag kl. 12.00 kalla Kvardagsbøn. Du kan lesa meir om det tilbodet her.
Foto: Kirkerådet